Fjölskyldufræðingafélag Íslands - fagfólks í fjölskyldumeðferð

Fjölskyldumeðferð er fyrir þá sem vilja fá faglega aðstoð til að takast á við margvísleg verkefni fjölskyldunnar ásamt samskiptavanda, sem getur komið upp í fjölskyldum og finna lausnir.

Fjölskyldumeðferð getur bjargað hjónaböndum og parsamböndum. Ef það tekst ekki þá getur fjölskyldumeðferð stuðlað að farsælu skilnaðarferli.

Fjölskyldumeðferð leggur áherslu á að fjölskyldan er áhrifamesta eining þjóðfélagsins hvað varðar mótun tilfinningaþroska, samskiptafærni og grunngildi hvers einstaklings.

Fjölskyldumeðferð hjálpar fólki til að tala saman, jafnvel fólki sem hefur ekki talast við í vikur, mánuði eða ár.

Fjölskyldumeðferð leggur áherslu á að vandi einstaklings hefur áhrif á alla fjölskylduna og að fjölskyldan hefur áhrif á einstaklinginn.

Fjölskyldumeðferð er gagnreynt og árangursríkt meðferðarúrræði (Evidence-based practice) þegar t.d. tekist er á við: líkamleg og andleg veikindi, áföll af ýmsum toga, sorgarferli, barnauppeldi, ágreining af ýmsu tagi, kynlífsvandamál og breytt fjölskyldumynstur í kjölfar skilnaðar.